Mac дээр Монгол гарын драйвер /крилл үсэг/ хэрхэн суулгах заавар

Macintosh хэрэглэгчдийн хувьд хамгийн их тохиолддог бэрхшээл бол Монгол гарын драйвер суулгах явдал байдаг.

Mac OS X системд Монгол гарын драйвер буюу keyboard layout ороогүй байдаг тул өөр аргаар суулгах хэрэгтэй болж байгаа юм.

Иймд хэрхэн уг гарын драйверыг суулгах талаар дараах зааварчлагааг даган суулгаарай.

  1. Юуны түрүүнд та bit.ly/38LjyiV линкээс Mongolian_KeyLayout_SmartCare.zip нэртэй файлыг татаж авах хэрэгтэй.
  2. Zip буюу архивласан байгаа тул эхлээд задлаарай.
  3. Үүний дараа Finder-ын үндсэн цэс буюу дэлгэцийн баруун дээд талд байх (desktop дээр хоосон дарахад гарч ирнэ) Go - Go to folder... товчхондоо keyboard-ын Shift+Command+G товчуудыг зэрэг дарахад дараах цонх гарч ирэхэд /Library гэж бичээд Enter дарна.
  4. Нээгдэх цонхноос Keyboard Layouts гэсэн фолдерыг олж нээнэ.
  5. Уг фолдер дотор татаж авсан файлаа хуулаарай. Zip-ээс задласан байх хэрэгтэй гэдгийг анхаарна уу.
  6. Үүний дараа System Preferences (Dock буюу дэлгэцийн доод хэсэгт байрлаж байдаг, эсвэл Applications - System Preferences) цэсээс Language & Region ->Keyboard Preferences -> Input Sources сонгоно.
  7. Гарч ирэх цонхны зүүн доод хэсэгт + тэмдэг дээр дарж хэлнүүдийн сонголтоос Other хэсэгт байрлах Mongolian гэснийг идэвхижүүлснээр Монгол гарын драйвертай болно.

Нэмэлт мэдээлэл:

Хэл солих болгонд маусаар дэлгэцний дээд хэсэгт дарж солих нь заримдаа залхуутай санагддаг тул keyboard shortcut ашиглан хэл солих үйлдлийг хялбарчилж болно.

1. Эхлээд System Preferences - Keyboard - Keyboard Shortcuts дарааллаар орно.

2. Keyboard & Text Input дэд цэсийг сонгоод Select the previous input source идэвхижүүлнэ.

3. Энэ нь өөр shortcut-тай давхацах тул шар тэмдэглэгээ гарах болно. Тухайн анхааруулах шар тэмдэглэгээ гарч байгаа хэсэг дээр дарахад Spotlight буюу хайлтын (компьютераас) цэсийг гаргах комманд гарч байгааг идэвхигүй болгоно.

Ингэснээрээ та хэлээ солих болгондоо маусаа чирэх хэрэггүй болох ба Command + Space товчлуурыг зэрэг дарснаар хялбар хэлээ солих боломжийг олгоно.

Spotlight-ын тухайд гэвэл компьютер дээр байгаа файл, аппуудыг нэрээр хайхад хэрэглэдэг бөгөөд хэл солихтой адил тогтмол хэрэглэгдээд байхгүй шүү дээ. Та хүсвэл өөрийн shortcut-ыг үүсгэж болно.